Shtetet e Bashkuara të Amerikës sot nëpërmjet një letre drejtuar krerëve të shtetit kanë treguar taksa ndaj produkteve serbe dhe boshnjake serbe, i ka prishur raportet me Amerikën.

E në lidhje me këtë letër, lajmi.net ka marrë edhe qëndrimin e Qeverisë Haradinaj e njëkohësisht ky i fundit është i prerë në vendimin për të mos e hequr taksën.

Shefi i kabintetit të kryeministrit Ramush Haradinaj, Avni Arifi në pyetjen se cili është tani pas letrës së SHBA-ve qëndrimi i qeverisë për taksën, ai shkurt ka thënë se: “Qëndrimet e kryeministrit pas mbledhjes së Qeverisë besoj se janë përgjigje për pyetjen tuaj”.

Sot, në konferencën për media, kryeministri Haradinaj është shprehur i vendosur se taksa do të qëndrojë deri në njohjen e Kosovës nga ana e Serbisë.

I pyetur nga gazetarët edhe për takimet e tij me ambasadorin e SHBA-ve në Kosovë, Philipp Kosnett, Haradinaj është shprehur se edhe ne jemi që të largohet taksa, por kusht për këtë është njohja e Kosovës nga Serbia.

Vlen të theksohet se në letrën e dërguar sot nga Shtetet e Bashkuara të Amerikës, përmendet edhe zvogëlimi i partneritetit në fushën e sigurisë dhe shkurtime të mëtutjeshme të raportit miqësor, SHBA – Kosovë.

E gjithë kjo situatë është krijuar pas thirrjeve të shumta të Shteteve të Bashkuara të Amerikës për heqje të taksës të cilat nuk u morrën parasysh nga Qeveria e Kosovës.

Letra e plotë:

I dashur President Thaçi:

I dashur Kryeministër Haradinaj:

I dashur Kryeparlamentar Veseli:

Ashtu siç u ka shkruar edhe Presidenti Trump në letrën e tij në dhjetor të 2018, ky është momenti i mundësisë së Kosovës, që duke normalizuar marrëdhëniet me Serbinë të ndërmarr një hap të rëndësishëm përpara drejt intgrimeve Euro-Atlantike si dhe të avancojë si një vend stabil, prosperues dhe i sigurt.

Që atëherë ne kemi shprehur shqetësimet tona që veprime të caktuara, përfshirë këtu vendosjen e taksës ndaj produkteve serbe dhe boshnjake, do të mund të rrezikojnë këtë qëllim.

Këto veprime minojnë mundësinë e Shteteve të Bashkuara të Amerikës që të vazhdojnë bashkëpunimin me ju në një fushë të gjerë objektivash të përbashkëta.

Pasiqë pamë që kërkesat tona për të pezulluar taksën, nuk u morën parasysh, kemi vendosur të ndërmarrim hapa që do të shfaqin shqetësimin tonë, përfshirë këtu edhe partneritetin në fushën e sigurisë.

Fillimisht, kemi vendosur të anulojmë vizitën e planifikuar të Gjeneralit Orr nga Garda Kombëtare e Ioëa-s, në Kosovë.

Vizita e tij kishte për qëllim të përqëndrohej në bashkëpunim bilateral në fushën e sigurisë.

Duke pasur parasysh veprimet e padobishme të qeverisë tuaj, do të ishte e pavend që një vizitë e tillë të ndodhte.

Do të shikojmë me kujdes aspektet e tjera të bashkëpunimit tonë dhe do të shqyrtojmë nëse edhe ato do të pakësohen/shkurtohen.

Kosova nuk ka mik më të mirë sesa Shtetet e Bashkuara.

Ne kemi punuar për kaq shumë vite për të realizuar një të ardhme për popullin e Kosovës, në mënyrë që ai të jetojë ashtu siç ka zgjedhur, në paqe.

Lufta e Kosovës për liri ka mbetur në mendjen e Amerikanëve.

Mijëra diplomatë amerikane dhe ushtarë janë përfshirë personalisht në përpjekjet për të ndërtuar një të ardhme për Kosovën.

Është e pabesueshme që pas gjithë çfarë kemi bërë bashkë, Kosova e vlerëson miqësinë tonë aq ulët sat ë injorojë këshillat tona.

Shtetet e Bashkuara vazhdojnë të jenë të gatshme të ndihmojnë Kosovën për të arritur një marrëveshje gjithëpërfshirëse e normalizuese me Serbinë, e cila do të përqëndrohej në njohje reciproke, gjë që do të ishte e implementueshme, jetëgjatë dhe në të mirë të të dyja palëve.

Në njëzet vitet e fundit, ky ka qenë një qëllim I paarritshëm.

Edhepse ende e vështirë, është një rrugë që duhet ndërmarrë, në mënyrë që të arrjmë në sigurinë dhe propsperitetin që sjell e ardhmja.

Qëllimi ynë është që të shohin Serbinë dhe gjithashtu Kosovën, të veprojnë me përgjegjësi dhe që t’I kthehen dialogut.

Hapi I parë drejt këtij qëllimi do të ishte pezullimi i taksës.

Derisa nuk e bëni një gjë të tillë, ne nuk mund të kemi raportet e fuqishme që kishim më parë me ju.

Përzemërisht,

Mattheë Palmer

Zëvendës Asistent i Sekretarit të Shtetit.