Më 1978, Robert Motherwell e kishte ndryshuar depon e studios dhe angazhoi një kompani transportuese, për t’i bartur pikturat nga njëra njësi në tjetrën. Përgjatë rrugës, dhjetëra vepra të tij u zhdukën.

Së paku njëra prej veprave, është gjetur dhe është kthyer prapa.

Prokurori i Distriktit të Manhatanit, zhvilloi një ceremoni në qendrën e New Yorkut, për të kthyer veprën “Pa Titull”, që është realizuar nga piktori i njohur amerikan dhe u vjedh para 40 vitesh.

Piktura abstrakte, e realizuar nga Motherwell më 1967, do të kthehet në selinë e Fondacionit Delalus, që u themelua në vitin e njëjtë kur ai u nda nga jeta, që të promovojë punën dhe trashëgiminë e tij.

Kjo vepër e tij vlen miliona dollarë, duke pasur parasysh se piktura e tij “Ora Pesë e Pasdites” është shitur gjatë muajit maj për 12.5 milionë dollarë.

Të dhënat tregojnë se mbi 30 vepra të tij janë shitur nëpër ankande, secila mbi një milionë dollarë.

Gjithçka nisi të zbulohej, kur i biri i një punonjësi transporti, që tashmë është i vdekur, e kishte dërguar pikturën në Fondacionin Delalus, për të vërtetuar nëse ishte vërtetë e Motherwell.

Zyrtarët e fondacionit, e krahasuan me pamjet e të dhënave, që përkasin në dosjen e pikturave të humbura.

Ky ishte momenti kur u përfshi njësiti i FBI-së, që merret me vjedhjet e veprave të artit.

Individi që mbetet i paemëruara – nuk ka qenë në dijeni për vjedhjen dhe mbi të nuk rëndon ndonjë keq bërje – pranoi që vullnetarisht ta kthente pikturën prapa.

Kjo besohet të jetë një kthesë dhe lehtësi e madhe, për gjetjen e pikturave tjera që ia janë vjedhur artistit.