Emigrimi drejt Gjermanisë, ja sa mijëra viza janë marrë në një vit

Rreth 9000 të afërm të refugjatëve me status të kufizuar të mbrojtjes kanë marrë viza për Gjermaninë që nga muaji gusht i vitit të kaluar.

Këtë e bëri të ditur Ministria e Jashtme në Berlin.

Një vit më parë hyri në fuqi një rregullore e re, sipas së cilës lejohet të sjellin në Gjermani të afërmit edhe përfituesit e mbrojtjes plotësuese (subsidiare). Më parë, ribashkimi i familjes ndalohej për dy vjet.

Partitë në pushtet në Gjermani, CDU, CSU dhe SPD patën rënë dakord pas negociatave të lodhshme për ta lejuar bashkimin familjar edhe për këtë kategori personash. Por ata e kufizuan numrin e përgjigjeve pozitive për kërkesat, megjithatë, në 1.000 në muaj.

Mbrojtja plotësuese u jepet kryesisht refugjatëve të luftës, të cilët nuk persekutohen individualisht në atdheun e tyre, por janë në rrezik atje, shkruan DW.

Megjithatë ky numër pritet të jetë edhe më i lartë në muajt që do vijnë. Vitet e fundit një numër I lartë shqiptarësh, janë dyndur drejt Gjermanisë.